Леанід Мікалаевіч Апанасюк (8 студзеня 1956, в. Партызанская, Хойніцкі раён, Гомельская вобласць — 24 чэрвеня 2021) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.
Нарадзіўся 8 студзеня 1956 года ў в. Партызанская Хойніцкага раёна Гомельскай вобласці.
Скончыў Беларускую сельскагаспадарчую акадэмію, заатэхнік.
Працаваў галоўным заатэхнікам, старшынёй калгаса «Чырвоная Армія» Рагачоўскага раёна Гомельскай вобласці; старшынёй камітэта па сельскай гаспадарцы і харчаванні Гомельскага абласнога выканаўчага камітэта; старшынёй Жлобінскага раённага выканаўчага камітэта.
У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.
Жанаты, мае дваіх дзяцей.