У Вікіпедыі ёсць артыкулы пра іншых асоб з прозвішчам Русак. Леані́д Вячасла́вавіч Руса́к (нар. 8 красавіка 1952, вёска Кухчыцы, Клецкі раён Мінскай вобласці) — беларускі дзяржаўны дзеяч, былы міністр сельскай гаспадаркі.
У 1980 годзе скончыў Віцебскі ветэрынарны інстытут.
Займаў пасады першага намесніка старшыні Мінскага абласнога аграпрамысловага камітэта, першага намесніка старшыні камітэта па сельскай гаспадарцы і харчаванні Мінскага аблвыканкама, працаваў старшынёй Мінскага раённага выканаўчага камітэта.
З 25 мая 2004 года па 17 красавіка 2008 года — міністр сельскай гаспадаркі і харчавання Рэспублікі Беларусь (18 красавіка 2008 указам Прэзідэнта № 217 вызвалены ад пасады міністра сельскай гаспадаркі і харчавання Рэспублікі Беларусь у сувязі з выхадам у адстаўку).