wd wp Пошук: ⬜

Леанід Іванавіч Ячэнін

У Вікіпедыі ёсць артыкулы пра іншых асоб з прозвішчам Ячэнін. Леанід Іванавіч Ячэнін (24 ліпеня [5 жніўня] 1897 — 1952) — украінскі савецкі дзеяч судовай сістэмы.

Біяграфія

Нарадзіўся 24 ліпеня (5 жніўня) 1897 года ў вёсцы Іграева, цяпер уваходзіць у вёску Працавічы Слуцкага раёна Мінская вобласць, Беларусь.

У 1949 годзе скончыў Усесаюзны завочны юрыдычны інстытут.

Працаваў у органах пракуратуры УССР: памочнікам Кіеўскага і Валынскага губернскіх пракурораў, намеснік Камянец-Падольскага акруговага пракурора, пракурор Уманскай акругі, міжрайпракурор Сумскага і Данецкага сектараў.

У 1933—1935 гадах — сакратар Пакроўскага райкама КП(б)У Данецкай вобласці.
У 1935—1937 — пракурор Старабельскай акругі.
З мая 1937 — намеснік, а са жніўня 1937 па май 1938 года — в. а. пракурора УССР. З 1938 года дэпутат Вярхоўнага савета Украінскай ССР 1-га склікання.
У 1938—1941 — пракурор Украінскай ССР.
У 1941—1946 — ваенны пракурор пяці франтоў, а затым ваенны пракурор Групы савецкіх войскаў у Германіі(руск.) бел..
У 1946—1952 — ваенны пракурор Паўночна-Каўказскай ваеннай акругі.

16 снежня 1952 года памёр у горадзе Растоў-на-Доне, РСФСР.

Узнагароды

Узнагароджаны ордэнамі Чырвонага Сцяга (6 красавіка 1945[1]), Багдана Хмяльніцкага I ступені (31 мая 1945[2]), Айчыннай вайны I і II ступені (3 чэрвеня 1944[3], 14 лютага 1943[4]), Чырвонай Зоркі (1935[5]), медаль.

Зноскі

↑ Узнагародны ліст у электронным банку дакументаў «Подзвіг Народа»
↑ Узнагародны ліст у электронным банку дакументаў «Подзвіг Народа»
↑ Узнагародны ліст у электронным банку дакументаў «Подзвіг Народа»
↑ Узнагародны ліст у электронным банку дакументаў «Подзвіг Народа»
↑ Узнагародны ліст у электронным банку дакументаў «Подзвіг Народа»

Літаратура

Клочков В. Г. Історія прокуратури України. — К., 2004. (укр.)

Спасылкі