Лаўры Крысціян Рэландэр (фінск.: Lauri Kristian, народжаны. Ларс Крысціян Рэландэр, шведск.: Lars Kristian Relander; 31 мая 1883, Куркіёкі — 9 лютага 1942, Хельсінкі) — другі прэзідэнт Фінляндыі (1925—1931) ад партыі Аграрны саюз.
Рэландэра празвалі «Reissu-Lasse» («Лаўры, які ездзіць»), бо ён даволі часта ездзіў за мяжу — у Эстонію, Латвію, Швецыю, Нарвегію і ў Данію. У знешняй палітыцы Рэландэр прытрымліваўся прыярытэту ў развіцці адносін сваёй краіны з бліжэйшымі суседзямі, спрабуючы рэалізаваць ідэю садружнасці краін Балтыйскага рэгіёну.
Пасля заканчэння прэзідэнцкага тэрміна да сваёй смерці быў дырэктарам страхавой кампаніі «Suomen maalaisten paloapuyhdistys». Памёр у 1942 годзе ад інфаркту.