Лахцінскі Разліў (руск.: Ла́хтинский Разли́в, фінск.: Konnunlahti) — возера лагуна-ліманнага тыпу ў Прыморскім раёне Санкт-Пецярбурга, на паўночным беразе Неўскай губы Фінскага заліва.
Лахцінскі Разліў уяўляе сабой лагунападобны вадаём няправільнай трапецыепадобнай формы. Катлавіна выцягнутая з паўночнага захаду на паўднёвы ўсход. Плошча воднай паверхні — 1,8 км². Даўжыня — 2,5 км, максімальная шырыня — 1,5 км. Сярэдняя глыбіня 4,3 м, найбольшая глыбіня — 8,3 м. Паўночная частка Лахцінскага Разліва плыткая (глыбіні да 4 м), глыбіня паступова нарастае да цэнтральнай часткі. Дно возера надзвычай мазаічнае, з паглыбленнямі і падняццямі (ваганні ад 0,5 м да 5 м).
У возера ўпадаюць рэкі Каменка, Юнталаўка, Глухарка.