Латарынгскі ўніверсітэт (фр.: Université de Lorraine) — французская дзяржаўная вышэйшая навучальная ўстанова са статусам універсітэта з сядзібай у горадзе Нансі.
Універсітэт заснаваны ў 1572 годзе ў Мецы, затым быў пераведзены ў 1769 годзе ў Нансі і адноўлены ў 1852 годзе. Размешчаны ў асноўным у Нансі і Мецы. Установа з багатай гісторыяй, Латарынгскі ўніверсітэт некалькі разоў закрываўся і аднаўляўся пасля Вялікай французскай рэвалюцыі і быў падзелены пасля мая 1968 года. Пачынаючы з 2005 года вышэйшыя навучальныя ўстановы Латарынгіі (уключаючы Універсітэт Нансі I, Універсітэт Нансі II і Універсітэт Поля Верлена ў Мецы) пачалі працэс зліцця, у выніку якога 1 студзеня 2012 года быў утвораны цяперашні ўніверсітэт. Станам на 2020 год Латарынгскі ўніверсітэт аб’ядноўваў амаль 60 тысяч студэнтаў і амаль 7 тысяч навукова-педагагічных працаўнікоў.