Лані, або заходнія дані (індан.: Suku Lani) — папуаскі народ, насельнікі інданезійскай правінцыі Папуа. Агульная колькасць (2015 г.) - 249 000 чал.[1]
Лані — адзін з найбуйнейшых папуаскіх народаў Новай Гвінеі. Жывуць пераважна ў даліне Баліем і суседніх горных раёнах. Сучасная назва паходзіць з аднаго з мясцовых дыялектаў і значыць “ты ідзеш”. Мяжуюць з дані і ялі. Сталыя кантакты з вонкавым светам пачаліся толькі з 1938 г. З 1955 г. сярод іх вядзецца місіянерская дзейнасць.
Лані займаюцца пераважна земляробствам. Вырошчваюць салодкуб бульбу, кукурузу, бананы, каву, тытунь. Трымаюць свінняў. Хаціны будуюць з дрэва і саломы. Асновай сацыяльнай арганізацыі з’яўляюцца вясковыя абшчыны, на чале якіх стаяць абраныя правадыры. Сем’і нуклеарныя. Адлік сваяцтва вядзецца па лініі бацькі.