Лайла Багэ Вальгрэн (шведск.: Laila Natali Bagge) — шведская аўтарка песень, спявачка і менеджар. Найбольш вядомая як член журы ў шведскім тэлевізійным шоў Idol.
Маці Лайлы Багэ шведка, а бацька палестынец.[2]
У 1990-х падпісала кантракт з Motown Records, і ў 1998 годзе выпусціла топ-40 хіт «Here We Go Again».[3]
Тры гады працавала ў Sony BMG New York у пошуку талентаў. Лайла таксама знайшла членаў і распрацавала дзявочую групу Play, якой яна кіравала разам з Мэцью Ноўлз. Групай Play быў падпісаны кантракт з Sony BMG New York, і група прадала амаль 1 мільён альбомаў. Лайла напісала песні для Селін Дыён, 98 Degrees, 702 і Mýa. У 2007 годзе Лайла заснавала дзве новыя кампаніі разам з Андэрсам Багэ (аўтар песень і прадзюсар) і Андрэасам Карлсанам (аўтар песень): Meriola Media Group AB і Meriola Songs AB.
У ліпені 2003 года Лайла Вальгрэн нарадзіла хлопчыка Ліяма Пітса са сваім былым мужам Мэйсанам Пітсам, членам-заснавальнікам шведскай рок-групы (Apollo Drive), у цяперашні час прадзюсарам.
Некалі Лайла была замужам за Андэрсам Багэ. 6 сакавіка 2010 года яна выйшла замуж за Нікласа Вальгрэна[4], з якім у яе адзін сын Кіт, які нарадзіўся ў кастрычніку 2011 года. Пара рассталася ў канцы 2014 года.