Лаба́наўскі сельсавет — былая адміністрацыйна-тэрытарыяльная адзінка ў складзе Чэрыкаўскага раёна Магілёўскай вобласці Беларусі. Цэнтр — вёска Лабанаўка.
Утвораны 20 жніўня 1924 года ў складзе Чэрыкаўскага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Чэрыкаўскім раёне БССР, з 20 лютага 1938 года — Магілёўскай вобласці. З 16 верасня 1959 года ў складзе Крычаўскага раёна. 24 чэрвеня 1960 года скасаваны, тэрыторыя далучана да Верамейскага сельсавета[1].
4 чэрвеня 1965 года ўтвораны зноў у Крычаўскім раёне Магілёўскай вобласці БССР у складзе 26 населеных пунктаў (Акцябр, Вазраждзенне, Васькоўка, Востраў, Гіжня, Грамабой, Гром, Доўгая, Дубраўка, Жытнёў, Зара, Зялёны Дуб, Каменка, Клін, Лабанаўка, Лобча, Малінкі, Навіна, Падбудкі, Падлом’е, Рассвет, Рынкоўка, Светлы, Слава, Шчацінка і Ялоўка), якія ўваходзілі ў склад Верамейскага сельсавета[2]. З 30 ліпеня 1966 года ў складзе адноўленага Чэрыкаўскага раёна. 30 жніўня 1993 года ў склад Язёрскага сельсавета перададзены вёскі Гіжня, Доўгая, Дубраўка, Лобча і Рынкоўка. 26 жніўня 1994 года скасаваны, тэрыторыя далучана да Сормаўскага сельсавета.