У Вікіпедыі ёсць артыкулы пра іншых асоб з прозвішчам Нільсен. .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Кірстэн Мішэль Нільсен (англ.: Kirstjen Michele Nielsen; нар. 14 мая 1972) — амерыканскі эксперт па кібернетычнай бяспецы, міністр унутранай бяспекі ЗША (2017—2019).
Атрымала ступень бакалаўра навук на факультэце дыпламатыі Джорджтаўнскага ўніверсітэта. У 1999 годзе скончыла юрыдычны факультэт Віргінскага ўніверсітэта. Будучы экспертам па кібербяспецы, працавала ў Цэнтры кібернетычнай і ўнутранай бяспекі пры ўніверсітэце Джорджа Вашынгтона і ў Кансультатыўнай радзе па глабальных рызыках пры Сусветным эканамічным форуме.
Заснавальніца і былы прэзідэнт кампаніі Sunesis Consulting. Стварыла і ўзначальвала ўпраўленні заканадаўчай палітыкі і па справах урада ў Адміністрацыі транспартнай бяспекі ЗША.
У адміністрацыі Джорджа Буша-малодшага займала пасаду дарадцы прэзідэнта па прадухіленні, падрыхтоўцы і рэагаванні ў Савеце па ўнутранай бяспецы Злучаных Штатаў.