Кі́ржына[1] (трансліт.: Kiržyna, руск.: Киржино) — вёска ў Мядзельскім раёне Мінскай вобласці. Уваходзіць у склад Княгінінскага сельсавета.
У 1904 г. вёска Крывіцкай воласці Вілейскага павета Віленскай губерні, 160 жыхароў. У 1921 г. вёска ў складзе Дунілавіцкага, потым Вілейскага павета Віленскага ваяводства, 29 двароў, 182 жыхары. З 12.10.1940 г. у Восаўскім сельсавеце Крывіцкага раёна Вілейскай, з 20.09.1944 г Маладзечанскай абласцей, з 16.07.1954 г. у Княгінінскім сельсавеце, з 20.01.1960 г. у Мінскай вобласці, з 25.12.1962 г. ў Мядзельскім раёне. У 1950 г. вяскоўцы стварылі калгас «Стаханавец». З 1964 вёска ў складзе саўгаса «Восаўскі» (цэнтр — вёска Восава), з 04.09.1991 г. — калгаса «Восаўскі».