Кім Ір Сен (кар.: 김일성 — Кім Ільсон, народжаны Кім Сон Джу; 15 красавіка 1912, Мангёндэ, Карэя, Японія — 8 ліпеня 1994, Пхеньян, Паўночная Карэя) — паўночнакарэйскі камуністычны і дзяржаўны дзеяч. Распрацаваў карэйскую версію марксізму — чучхэ.
Кім Ір Сен займаў пасады Старшыні Кабінета Міністраў КНДР з 1948 да 1972 і Прэзідэнта КНДР з 1972 да смерці, хоць яго рэальная ўлада заключалася ў пасадзе Генеральнага сакратара Працоўнай партыі Карэі. З 1953 г. маршал КНДР. Афіцыйны тытул, як пры жыцці, так і пасля скону: «Вялікі правадыр маршал таварыш Кім Ір Сен». Пасля смерці абвешчаны «вечным прэзідэнтам» Паўночнай Карэі[5].