Кызылузен — рака ў Іране. Даўжыня 720 км, плошча басейна 56,2 тыс. км². Вытокі ў паўночна-заходніх адгор’ях Загроса. Перасякае заходнюю частку Іранскага нагор’я. У нізоўях прарывае заходні край хрыбта Эльбрус. Пасля зліцця з ракой Шахруд утварае раку Сефідруд, якая ўпадае ў Каспійскае мора. Сярэдні гадавы расход вады каля 170 м³/с. У сутоках Кызылузена і ракі Шахруд — гідравузел. Выкарыстоўваецца для арашэння. У дэльце — горад Рэшт.