Кухікугу
Кухікугу (парт.: Kuhikugu) — помнік археалогіі на поўдні Амазонскай нізіны ў Бразіліі. Прадстаўлены рэшткамі 4 старажытных індзейскіх паселішчаў, што існавалі 1500 - 500 гадоў таму.
Адкрыты ў пачатку XXI ст. міжнароднай археалагічнай экспедыцыяй. Назву атрымаў па ўчастку раскопак X11. На месцы старажытных паселішчаў былі знойдзены рэшткі ваенных умацаванняў, штучныя тэрасы і сажалкі. Кухікугу ўяўляў буйную агламерацыю, насельніцтва якой магло складаць каля 50 тысяч чалавек. Яны займаліся земляробствам на ўрадлівых тэра прэта, вырошчвалі маніёк, трымалі ў сажалках рыбу. Мяркуецца, што насельнікамі былі продкі сучасных індзейцаў куйкура, што жывуць у гэтым рэгіёне і ў нашы дні.
Заняпад Кухікугу адбыўся пасля 1500 г., магчыма з-за эпідэмій, якія пачаліся сярод паўднёваамерыканскіх індзейцаў у выніку кантактаў з еўрапейцамі.
Літаратура
- Heckenberger, M. The Ecology of Power: Culture, Place, and Personhood in the Southern Amazon, A.D. 1000-2000 / M. Heckenberger, M. — London, NY: Routledge, 2005 ISBN 0-415-94598-4
Спасылкі
- An Ancient City Emerges in a Remote Rain Forest
- The story of Ancient Civilizations Kuhikugu at Amazon
Катэгорыя·Археалагічныя культуры Паўднёвай Амерыкі
Катэгорыя·Гісторыя Бразіліі
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96