Ку́хараўка[1] (трансліт.: Kucharaŭka, руск.: Кухаревка) — вёска ў Пухавіцкім раёне Мінскай вобласці. Уваходзіць у склад Навапольскага сельсавета. Месціцца за 28 км на паўночны захад ад Мар’інай Горкі, 44 км ад Мінска, 6 км ад чыгуначнай станцыі Рудзенск на лініі Мінск — Асіповічы, каля ракі Пціч.
Назва ўтвораная ад прозвішча Кухараў, Кухарэвіч, якое мае ў аснове слова кухар.
Вядомая з XX стагоддзя.
Перад Другой сусветнай вайной пасёлак. З канца чэрвеня 1941 года да пачатку ліпеня 1944 года акупаваная войскамі нацысцкай Германіі, якія ў траўні 1944 года спалілі пасёлак, загубілі 5 жыхароў. Пасля вайны вёска адноўленая[2].
Да 28 мая 2013 года вёска ўваходзіла ў склад Узлянскага сельсавета[3].