Купальнае — возера ў Верхнядзвінскім раёне Віцебскай вобласці, за 37 км на паўночны ўсход ад горада Верхнядзвінск, за 1 км на поўнач ад вёскі Любасна, за 3,5 км на ўсход ад возера Асвейскае, у басейне ракі Свольна.
Плошча паверхні 0,1 км². Даўжыня 0,55 км, найбольшая шырыня 0,22 км. Даўжыня берагавой лініі 1,35 км.
Схілы катлавіны вышынёй да 15 м, разараныя. На поўначы і захадзе забалочаная пойма шырынёй 50—100 м. Выцякае ручай у канал Дзегцяроўка.