«Кунг-фу панда» (англ.: Kung Fu Panda) — амерыканскі анімацыйны фільм студыі «DreamWorks Animation» 2008 года. Пераможца прэміі «Эні» (2008) у намінацыі «Найлепшы анімацыйны поўнаметражны фільм».
Выратаванне Даліны Свету і ўсіх яе насельнікаў ад непераможнага і бязлітаснага майстра Тай Лунга павінна легчы на плечы Воіна Дракона, Абранага сярод найлепшых з найлепшых, якім становіцца… нязграбны, лянівы і вечна галодны панда По.
Яму трэба прайсці доўгі і цяжкі шлях да вяршыняў майстэрства кунг-фу плячо ў плячо з легендарнымі ваярамі: Тыграй, Малпай, Багамолам, Гадзюкай і Жураўлём. По спасцігне таямніцу старажытнага Світка і стане Воінам Дракона толькі ў тым выпадку, калі зможа паверыць у сябе.