Кулябакі (руск.: Кулебаки) — горад (з 1932 года) у Расіі, адміністрацыйны цэнтр Кулябакскага раёна Ніжагародскай вобласці. Насельніцтва 38,1 тыс. чалавек (2005). Заснаваны ў канцы XVII стагоддзя.
Горад размешчаны на аўтамабільнай дарозе Уладзімір — Мурам — Арзамас. У горадзе знаходзіцца аднайменная чыгуначная станцыя — канцавы пункт галіны (29 км) ад станцыі Навашына на магістральнай лініі Мурам — Арзамас.
Металургічны завод, завод металаканструкцый, швейная фабрыка, малочны завод, хлебазавод, мясакамбінат і інш.