.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Кулебра (ісп.: Culebra) — востраў у Карыбскім моры ў 28,5 км на ўсход ад Пуэрта-Рыка, у склад якога ўваходзіць. Плошча - 28 км² (разам з суседнімі невялікімі аставамі — 30,1 км²). Насельніцтва - 1818 чал. (2010 г.)
Кулебра ўяўляе сабою нізкую латку сушы, якая з’яўляецца паверхняй старажытнага падводнага вулкана. Частка паверхні сфарміравана караламі. Найбольшая вышыня — 198,1 м. На востраве няма сталых крыніц прэснай вады. Яна дастаўляецца з Пуэрта-Рыка. Клімат трапічны пасатны. Сярэдняя гадавая тэмпература вагаецца ад +24°C да +28°C. Улетку здараюцца ўраганы.
Значная частка вострава Кулебра (6,35 км²), а таксама суседнія астравы з’яўляюцца запаведнікам. Востраў насяляюць марскія птушкі, крабы, чарапахі, рэдкія віды яшчарак. Кожны год на ім спыняюцца каля 50 тысяч пералётных птушак.
Востраў быў адкрыты Х. Калумбам у 1493 г. У 1880 г. быў каланізаваны выхадцамі з Пуэрта Рыка і В’екеса. У 1903 г. па ініцыятыве Тэадора Рузвельта створаны марскі запаведнік. У нашы дні на востраве Кулебра развіваецца турызм.