Крэйг Мело (англ.: Craig Cameron Mello; нар. 18 кастрычніка 1960, Нью-Хэйвен, Канектыкут) — амерыканскі навуковец, малекулярны генетык. Працуе ў Гарвардскім універсітэце і медыцынскай школе Масачусецкага ўніверсітэта. У 2006 годзе атрымаў Нобелеўскую прэмію па фізіялогіі і медыцыне разам з Эндру Фаерам за «адкрыццё РНК-інтэрферэнцыі — эфекту гашэння актыўнасці вызначаных генаў».