Сэр Крыстафер Майкл Рэн (англ.: Sir Christopher Michael Wren; 20 кастрычніка 1632, Уілшыр — 26 лютага 1723, Лондан) — англійскі архітэктар, самы выдатны прадстаўнік англійскага класіцызму, матэматык і астраном. Быў вучнем У. Оўтрэда.
Архітэктар сабора Святога Паўла ў Лондане 1675—1710 гадоў, а таксама шматлікіх лонданскіх цэркваў (усяго 53), у тым ліку Сент Брайд, Фліт Стрыт і Сент Мэры-ле-Боу, Чыпсайд; Каралеўскай біржы, дома Мальбара, тэатра Шэлдоніан Оксфард. Яго навуковыя працы высока шанавалі Ісак Ньютан і Блез Паскаль. Рэн стаў адным з заснавальнікаў Лонданскага каралеўскага таварыства і ў 1680—1682 гадах быў яго прэзідэнтам.