Кропы — возера ў Верхнядзвінскім раёне Віцебскай вобласці, за 22 км на паўночны захад ад горада Верхнядзвінск, за 4 км на захад ад вёскі Росіца, у басейне ракі Росіца.
Плошча паверхні 0,1 км². Даўжыня 0,75 км, найбольшая шырыня 0,18 км. Даўжыня берагавой лініі 1,6 км. Плошча вадазбору каля 1 км².
Катлавіна возера выцягнутая з захаду на ўсход. Схілы катлавіны вышынёй 10—15 м, стромкія, параслі хмызняком, на поўдні часткова разараныя. Берагі зліваюцца са схіламі катлавіны. Возера бяссцёкавае. Зарастае слаба.