Краснабе́ль[3] (трансліт.: Krasnabieĺ, руск.: Краснобель) — вёска ў Аршанскім раёне Віцебскай вобласці. Уваходзіць у склад Арэхаўскага сельсавета.
Да 16 верасня 1960 года вёска ўваходзіла ў склад Халмоўскага сельсавета[4], да 1963 года знаходзілася ў адміністрацыйным падпарадкаванні Арэхаўскага пассавета[5], да 9 ліпеня 1965 года — у складзе Высокаўскага сельсавета[6], да 27 снежня 1985 года — у адміністрацыйным падпарадкаванні Арэхаўскага пассавета[7], да 8 красавіка 2004 года — у складзе Высокаўскага сельсавета[8].
Вёска размешчана за 20 км на паўночны ўсход ад Оршы. Побач праходзіць рэспубліканская аўтамагістраль М1.