Ко́ўпіна, Ко́лпін — возера ў Чачэрскім раёне Гомельскай вобласці, за 3 км на поўдзень ад горада Чачэрск, у басейне ракі Сож.
Плошча паверхні 0,18 км². Даўжыня 0,47 км, найбольшая шырыня 0,43 км. Найбольшая глыбіня 4,0 м, сярэдняя — 2,33 м. Даўжыня берагавой лініі 1,29 км. Аб’ём вады ў возеры 0,42 млн м³.
Схілы катлавіны вышынёй 10—17 м, разараныя, на захадзе пад лесам. Берагі нізкія, месцамі забалочаныя. Дно сапрапелістае.