wd wp Пошук: ⬜

Кортні Кокс

Кортні Бас Кокс (англ.: Courteney Bass Cox; нар. 15 чэрвеня 1964, Бірмінгем, Алабама, ЗША) — амерыканская актрыса, рэжысёр і прадзюсар. Найбольш вядомая па ролі Монікі Геллер у сіткоме «Сябры», а таксама журналісткі Гэйл Уэзерс ў серыі фільмаў «Крык».

Раннія гады

Кортні Бас Кокс нарадзілася і вырасла ў Бірмінгеме (штат Алабама). Там яна скончыла сярэднюю школу, дзе была членам групы падтрымкі, тэнісісткай і плыўчыхай. Яе бацька, Рычард Л. Кокс (1931—2001)[3], быў бізнесменам, а маці, таксама Кортні (у дзявоцтве Бас), хатняй гаспадыняй[4][5]. У Кортні ёсць дзве старэйшых сястры — Доці Пікет і Вірджынія Кокс, старэйшы брат Рычард і дзевяць зводных братоў і сясцёр. Яе бацькі развяліся ў 1974 годзе, бацька пераехаў ва Фларыду, а Кортні выхоўвалася маці і айчымам, нью-ёркскім бізнесменам Хантэрам Коплендам[6].

Пасля заканчэння школы Кокс паступіла ў Універсітэт Вернан ў Вашынгтон, каб вывучаць архітэктуру і дызайн інтэр’ераў[7]. Праз год яна кінула навучанне дзеля кар’еры мадэлі, пасля таго як яе прыняло мадэльнае агенцтва «Форд» у Нью-Ёрке. Будучы мадэллю, яна наведвала курсы акцёрскага майстэрства і з часам пазбавілася ад свайго Паўднёвага акцэнту.

Кар’ера

Акцёрскі дэбют

Кокс першай на амерыканскім тэлебачанні вымавіла слова «Месячныя», рэкламуючы ў 1985 годзе тампон фірмы «Тампакс»[en][8]. Пасля паспяховага ўдзелу ў музычным кліпе Бруса Спрынгсціна «Dancing In The Dark» (дзе яна танчыла на сцэне), яна з’явілася ў некалькіх кінафільмах, уключаючы «Уладары Сусвету» (1987) і «Кокан: Вяртанне» (1988).

У Кокс была вядучая роля ў нядоўга пражылым тэлесерыяле «Пакутнікі навукі» (1985), а пазней другарадная роля ў тэлесерыяле «Сямейныя повязі» (1987—1989). У 1994 годзе актрыса сыграла ролю Мелісы Робінсан у камедыйным фільме «Эйс Вентура: Вышук хатніх жывёл» з Джымам Керы у галоўнай ролі.

«Сябры»

У 1994 годзе Кортні Кокс прапанавалі прайсці пробы на ролю Рэйчэл Грын у новы сітком «NBC» «Сябры». Ролю ў тэлесерыяле яна ўсё ж такі атрымала, але не Рэйчэл, а Монікі Гелер, якую яна грала наступныя 10 гадоў ва ўсіх сезонах папулярнага тэлесерыяла.

Яна стала адзіным выканаўцам асноўнага акцёрскага складу серыяла, якая за акцёрскую гру ў серыяле ні разу не была намінавана на прэмію «Эмі»[9]. Яна была намінаваная на прэмію «Эмі» ў 2021 годзе як прадзюсар спецыяльнага выпуску серыяла «Сябры: Уз’яднанне»[9].

У прамежку паміж пятым і шостым сезонам Кортні Кокс выйшла замуж за акцёра Дэвіда Аркета, з якім пазнаёмілася на здымках трылера «Крык» у 1996 годзе, і змяніла сваё імя на Кортні Кокс-Аркет. Гэта падзея знайшло сваё адлюстраванне ў «Эпізодзе пасля Вегаса» тэлесерыяла «Сябры», калі ў пачатковых тытрах усе акцёры атрымалі даданне «-Аркет» да сваіх прозвішчаў[10].

Наступная кар’ера

За час здымак у «Сябрах» Кортні Кокс паспела паспяхова папрацаваць і на вялікім экране. Самай прыкметнай яе роляй тых гадоў стала рэпарцёр Гэйл Уэзерс ў фільме «Крык» (1996) і яго працягах. Адразу пасля завяршэння здымак у тэлесерыяле «Cябры» прадзюсар Марк Чэры прапанаваў Кортні Кокс ролю С’юзан Маер ў новай тэлевізійнай драме ABC «Адчайныя хатнія гаспадыні», але з-за цяжарнасці акторка была вымушаная адмовіцца, і роля дасталася Тэры Хэтчэр.

У 2001 годзе Кокс з’явілася ў фільме «3000 міль да Грэйслэнда», у 2005 годзе знялася ў незалежным фільме «Лістапад», які меў толькі абмежаваны кінапракат, а таксама адыграла невялікую ролю ў высокабюджэтным фільме «Усё ці нічога».

У 2006 годзе Кортні разам з мужам, Дэвід Аркет, знялася ў фільме «Вандроўнік», у якім таксама выступіла ў якасці прадзюсара, а Дэвід быў яшчэ і рэжысёрам і сцэнарыстам[11].

У 2007 годзе актрыса пагадзілася на ўдзел у драматычным тэлесерыяле «Бруд» тэлесеткі FX Networks, дзе яна выканала ролю Люсі Спілер, рэдактара бульварнай газеты. Кокс і яе муж, Дэвід Аркет, таксама выступілі выканаўчымі прадзюсарамі гэтага серыяла[12]. Акрамя таго, на радасць прыхільнікам, у адным з эпізодаў з’явілася Джэніфер Эністан, і іх гераіні цалаваліся. Пратрымаўшыся год, серыял быў закрыты.

У канцы 2008 года выйшаў новы фільм з удзелам Кортні Кокс пад назвай «Казкі на ноч», дзе яе партнёрам па здымачнай пляцоўцы стаў Адам Сэндлер.

У 2009 годзе актрыса з’явілася ў некалькіх эпізодах серыяла «Клініка», а таксама ў серыяле «Горад драпежніц», за ролю ў якім была намінаваная на «Залаты глобус» як лепшая актрыса ў камедыйным серыяле. У красавіку 2011 года выйшаў фільм «Крык 4», дзе Кокс ў чарговы раз ўвасобіла вобраз журналісткі Гэйл Уэзерс[13].

Кокс дэбютавала ў якасці рэжысёра тэлесерыяла «TalhotBlond», прэм’ера якога адбылася 23 чэрвеня 2012 года[14]. У 2014 годзе яна зняла і спрадзюсавала чорную камедыю «Перш чым я пайду» з удзелам Шона Уільяма Скота і Элішы Катберт [15]. Прэм’ера фільма адбылася на кінафестывалі Трайбека 24 красавіка 2014 года[16], у некаторых кінатэатрах ён быў выпушчаны 24 красавіка 2015 года[17].

З 2014 па 2017 год яна з’яўлялася выканаўчым прадзюсарам гульнявога шоў «Celebrity Name Game» пад кіраўніцтвам Крэйга Фергюсана. Шоў прынесла ёй намінацыю на прэмію Эмі [18].

У 2016 годзе Кокс знялася ў незалежным драматычным фільме «Дзень маці» разам са С’юзан Сарандан, Мірай Сарвіна і Шэран Стоўн. Фільм быў выпушчаны 6 мая 2016 года і атрымаў у асноўным негатыўныя водгукі[19]. У 2019 годзе яна стварыла і выпусціла дакументальны серыял на Facebook Watch «9 месяцаў з Кортні Кокс»[20]. У 2020 годзе Кокс знялася ў сіткоме «Амерыканская сямейка»[21].

Кокс падпісала кантракт на галоўную ролю ў камедыйным серыяле «Shining Vale». Яна сыграе ролю Патрыцыі Фелпс, якая пераязджае са сваёй сям’ёй з буйнога горада ў вялікі стары дом у прыгарадзе, дзе сутыкаюцца зло і гумар[22].

Яна ўз’ядналася са сваімі калегамі па серыяле «Сябры» для спецыяльнага паказу Friends: The Reunion, які выйшаў на канале HBO Max[23]. У ліпені 2020 года стала вядома, што Кокс зноў сыграе ролю Гейл Уэзерс ў фільме «Крык 5», рэжысёрамі якога сталі Мэт Бетынелі-Олпін і Тайлер Джылет[24]. Фільм выйшаў у пракат 13 студзеня 2022 года[25][26].

Асабістае жыццё

З 1989 па 1995 год Кокс знаходзілася ў стасунках з акцёрам Майклам Кітанам [27].

Пасля знаёмства на здымках фільма «Крык» у 1996 годзе Кокс пачала сустракацца з акцёрам Дэвідам Аркетам. 12 чэрвеня 1999 года пара пабралася шлюбам у Сан-Францыска, пасля чаго Кокс пачала выкарыстоўваць імя Кортні Кокс Аркет[28][29]. 13 чэрвеня 2004 года ў іх нарадзілася дачка, Кока Райлі Аркет[30]. Яе хроснай маці з’яўляецца актрыса Джэніфер Эністан [31]. Кокс таксама перанесла шэраг выкідкаў[32]. У кастрычніку 2010 года Кокс і Аркет абвясцілі аб расставанні[33]. У чэрвені 2012 года Аркет падаў на развод, які быў завершаны ў маі 2013 года[34][35].

З 2013 года Кокс знаходзіцца ў стасунках з музыкам Джоні Макдэйдам, клавішнікам гурта Snow Patrol. У чэрвені 2014 года Кокс і Макдэйд абвясцілі аб заручынах[36]. У студзені 2019 года Кокс распавяла, што пара разарвала заручыны, аднак па-ранейшаму знаходзіцца ў стасунках[37].

Кокс мае карычневы пояс па каратэ, а таксама грае на фартэпіяна і ўдарных інструментах[38].

Фільмаграфія

Год		Беларуская назва	Арыгінальная назва	Роля
1984	с	Як круціцца свет	As the World Turns	Бані
1985	с	Кодавае імя: Foxfire	Code Name: Foxfire	бортправаднік
1985—1986	с	Пакутнікі навукі	Misfits of Science	Глорыя Дзінела
1986	тф	Сільван у раі	Sylvan in Paradise	Люсі Эпл
1986	с	Лодка кахання	The Love Boat	Кэрал
1986	с	Яна напісала забойства	Murder, She Wrote	Кэрал Баністэр
1987	ф	Скрыўлены ўніз	Down Twisted	Тара
1987	ф	Уладары сусвету	Masters of the Universe	Джулі Вінстан
1987	тф	Калі сёння аўторак, гэта ўсё яшчэ павінна быць Бельгія	If It's Tuesday, It Still Must Be Belgium	Ханна Вышоцкі
1987—1989	с	Семейные узы	Family Ties	Ларэн Мілер
1988	ф	Кокан: Вяртанне	Cocoon: The Return	Сара
1988	тф	Я буду дома да Каляд	I’ll Be Home for Christmas	Нора Бандзі
1989	тф	Раксана: Прэмія Пулітцэра	Roxanne: The Prize Pulitzer	Джэкі Кімберлі
1989	с	Калі мы сустрэнемся зноў	Till We Meet Again	Фрэдзі Лансей
1990	тф	Цікаўнасць забівае	Curiosity Kills	Гвен
1990	ф	Спадар Лёс	Mr. Destiny	Джуэл Джагер
1990	ф	Трэсці дрэва	Shaking the Tree	Кэтлін
1991	ф	Сіняя пустыня	Blue Desert	Ліза Робертс
1991	с	Мортан і Хэйз	Morton & Hayes	прынцэса Люсі
1992	тф	Дзеля дзіцяці	Battling for Baby	Кэтрын
1992	с	Як у кіно	Dream On	Аліша
1992	ф	Процілеглы пол… і як з ім жыць	The Opposite Sex and How to Live with Them	Кэры Дэвенпорт
1993	с	Непрыемнасці з Лары	The Trouble with Larry	Габрыэла Іздэн
1994	с	Сайнфелд	Seinfeld	Мэрыл
1994—2004	с	Сябры	Friends	Моніка Гелер
1994	ф	Эйс Вентура: Вышук хатніх жывёл	Ace Ventura: Pet Detective	Меліса Робінсан
1995	тф	Малявальнік 2: Рукі, якія бачаць	Sketch Artist 2: Hands That See	Эмі О’Конар
1996	ф	Крык	Scream	Гэйл Уэзерс
1997	ф	Запаведзі	Commandments	Рэйчал
1997	ф	Крык 2	Scream 2	Гэйл Уэзерс
1999	ф	Шалёныя грошы	The Runner	Карына
1999	с	Казачныя гісторыі для ўсіх дзяцей	Happily Ever After: Fairy Tales for Every Child	Emerald Salt Pork
1999	кар	Любосны трохкутнік	Alien Love Triangle	Эліс
2000	ф	Крык 3	Scream 3	Гэйл Уэзерс
2001	ф	А вось і доктар	The Shrink Is In	Саманта
2001	ф	3000 міль да Грэйсленда	3000 Miles to Graceland	Сібіл Вейнгроў
2001	ф	Хутка ўсё наладзіцца	Get Well Soon	Лілі
2004	ф	Лістапад	November	Сафі Джакабс
2005	ф	Усё ці нічога	The Longest Yard	Лена
2006	ф	Альфа Дог	Alpha Dog	Эрыка Прайс
2006	мф	Рогі і капыты	Barnyard	Дэйзі
2006	ф	Капітан Зум	Zoom	Марша Холавэй
2006	ф	Турыст	The Tripper	Сінція
2007—2008	с	Бруд	Dirt	Люсі Спілер
2008	ф	Казкі нанач	Bedtime Stories	Вэндзі
2008	кар	Панядзелак перад днём Падзякі	The Monday Before Thanksgiving	Сісі
2009	с	Інтэрнэт-тэрапія	Web Therapy	Серэна Дзювал
2009	с	Клініка	Scrubs	Тэйлар Мэдакс
2009—2015	с	Горад драпежніц	Cougar Town	Джулс Коб
2011	ф	Крык 4	Scream 4	Гэйл Уэзерс-Райлі
2011	с	Прыватная практыка	Private Practice	Жанчына
2013	с	На старт!	Go On	Талія
2014—2016	с	П’яная гісторыя	Drunk History	Эдзіт Вільсан
2016	тф	Дабрачынны фонд	Charity Case	Хэйлі
2016	ф	Дзень маткі	Mothers and Daughters	Бэт
2018	с	Бессаромнікі	Shameless	Джен Вагнер
2020	с	Амерыканская сямейка	Modern family	Сябе
TBA	с	Зіхатлівая даліна	Shining Vale	Пэт^[39]
2021	ф	Сябры: Уз’яднанне	Friends: The Reunion	у ролі самой сябе
2022	ф	Крык	Scream	Гейл Уэзерс-Райлі

Як кінарэжысёр і прадзюсар

Перш чым я пайду (2014) — кінарэжысёр, прадзюсер.

Зноскі

↑ Courteney Cox // SNAC — 2010. Праверана 9 кастрычніка 2017.
↑ Courteney Cox // Discogs — 2000. Праверана 9 кастрычніка 2017.
↑ Dowling Family Genealogy (нявызн.). Архівавана з першакрыніцы 27 жніўня 2011.
↑ hollywood.com (нявызн.). Архівавана з першакрыніцы 27 жніўня 2011.
↑ Mountain Brook one of 10 of the nation’s wealthiest communities Архівавана {{{2}}}.
↑ hollywood.com (нявызн.). Архівавана з першакрыніцы 27 жніўня 2011.
↑ movies.msn.com (нявызн.). Cox left college to pursue a career in modeling and acting. MSN. Архівавана з першакрыніцы 27 жніўня 2011. Праверана 29 жніўня 2009.
↑ IMDB.com (нявызн.). Courteney Cox - Biography. Архівавана з першакрыніцы 27 жніўня 2011. Праверана 2 сакавіка 2007.
1 2 Courteney Cox Scores First Emmy Nomination for ‘Friends,’ Almost Two Decades After Show Ends
↑ Amazon.co.uk: Friends — Series 6 — Episodes 1-4: Jennifer Aniston, David Schwimmer, Matt Le Blanc, Lisa Kudrow, Matthew Perry, Courteney Cox, Gary Halvorson: Video
↑ IMDB.com (нявызн.). “The Tripper” (2006) - Full cast and crew. Архівавана з першакрыніцы 31 жніўня 2020. Праверана 26 снежня 2021.
↑ IMDB.com (нявызн.). “Dirt” (2007) - Full cast and crew. Архівавана з першакрыніцы 27 жніўня 2011. Праверана 2 сакавіка 2007.
↑ Courteney Cox (нявызн.), Celeb Archive .
↑ Cooper, Jackie K.. Review: Talhotblond, Directed By Courteney Cox (нявызн.) (25 чэрвеня 2012). Праверана 23 чэрвеня 2012.
↑ Courteney Cox’s Directing Debut Gets New Title Six Days After Announcement (нявызн.) (23 чэрвеня 2013). Праверана 2 жніўня 2020.
↑ Takeda, Allison. Courteney Cox Gushes About Boyfriend Johnny McDaid: “He Supports Me in Every Way” (нявызн.). Us Weekly (27 красавіка 2014). Праверана 2 жніўня 2020.
↑ Brow, Jason. ‘Friends’ Reunion: Jennifer Aniston & Courteney Cox Hug On Red Carpet (нявызн.) (недаступная спасылка). Hollywood Life (21 красавіка 2015). Архівавана з першакрыніцы 24 ліпеня 2020. Праверана 2 жніўня 2020.
↑ Montgomery, Daniel. Courteney Cox FINALLY nominated for an Emmy: Best Game Show for ‘Celebrity Name Game’ (нявызн.). Gold Derby (22 сакавіка 2017). Праверана 2 жніўня 2020.
↑ Courteney Cox, ‘Devious Maids’ Star Roselyn Sanchez Join Indie Drama ‘Mothers Day’ (нявызн.) (8 ліпеня 2015). Праверана 2 жніўня 2020.
↑ Petski, Denise. Courteney Cox’s ‘9 Months’ Gets January Premiere Date On Facebook Watch (нявызн.). Deadline Hollywood (20 снежня 2018). Праверана 2 жніўня 2020.
↑ Ausiello, Michael. Modern Family Recruits Courteney Cox to Guest Star as Courteney Cox (нявызн.). TVLine (25 кастрычніка 2019).
↑ Courteney Cox To Headline Starz’s ‘Shining Vale’ Horror Comedy Pilot From Sharon Horgan, Jeff Astrof & Kapital, Dearbhla Walsh To Direct (нявызн.), Deadline Hollywood (28 лютага 2020). Праверана 2 жніўня 2020.
↑ ‘Friends’ Reunion Special Delayed at HBO Max (нявызн.). The Hollywood Reporter.
↑ ‘Scream’: Courteney Cox Reprising Her Role As News Reporter Gale Weathers In Spyglass Media Group & Paramount Relaunch (нявызн.). Deadline Hollywood.
↑ Relaunch of ‘Scream’ Slashing Into Theaters on January 14, 2022! (нявызн.). BloodyDisgusting.
↑ New Scream Movie From Spyglass Media Will Be Released by Paramount (EXCLUSIVE) (нявызн.). Variety.
↑ Cerio, Gregory. Handy Woman(англ.) , People (27 лістапада 1995).
↑ Courteney Cox of ‘Friends’ Weds David Arquette(англ.) , Los Angeles Times (13 чэрвеня 1999).
↑ Lipton, Michael A. Friends and Lovers(англ.) , People (28 чэрвеня 1999).
↑ Courteney Cox Welcomes a Baby Girl(англ.) , People (13 чэрвеня 2004).
↑ Stone, Natalie. Jennifer Aniston Says Courteney Cox’s Daughter, 15, Looks ‘Grown Up’(англ.) , People (29 лістапада 2019).
↑ Haller, Sonja. Courteney Cox wouldn’t give up trying to be a mom: ‘I had a lot of miscarriages’(англ.) , USA Today (24 сакавіка 2019).
↑ Fleeman, Mike. Courteney Cox and David Arquette Separate(англ.) , People (11 кастрычніка 2010).
↑ David Arquette files for divorce from Courteney Cox(англ.) , Reuters (13 верасня 2012).
↑ Oldenburg, Ann. Courteney Cox, David Arquette divorce is finalized(англ.) , USA Today (29 мая 2013).
↑ Tauber, Michelle. Courteney Cox Engaged to Johnny McDaid(англ.) , People (26 чэрвеня 2014).
↑ Corinthios, Aurelie. Courteney Cox Talks Ending Her Engagement to Johnny McDaid — and Reunites with Lisa Kudrow! (нявызн.), People (29 студзеня 2019).
↑ Did You Know This About Courteney Cox? (нявызн.), The Ellen Degeneres Show . Праверана 8 сакавіка 2022. Архівавана 5 красавіка 2012.
↑ Joe Otterson. Courteney Cox to Lead Starz Horror Comedy Pilot ‘Shining Vale’(англ.) . Variety. Penske Media Corporation (28 лютага 2020). Архівавана з першакрыніцы 29 лютага 2020. Праверана 29 лютага 2020.