У Вікіпедыі ёсць артыкулы пра іншых асоб з прозвішчам Сцепанчук.
Кліменцій Піліпавіч Сцепанчук (25 кастрычніка 1932, Мінск — 16 лістапада 2016) — беларускі спецыяліст у галіне электратэхнікі. Доктар тэхнічных навук (1993), прафесар (1994).
Скончыў Беларускі політэхнічны інстытут (1956; аспірантура, 1964).
Працаваў на заводзе «Красный Октябрь» (Валгаград; 1956—1961), Беларускім нацыянальным тэхнічным універсітэце (1964—2006, энергетычны факультэт, дацэнт кафедры «Тэхніка высокіх напружанняў», з 1987 — кафедры «Тэарэтычныя асновы электратэхнікі», з 1994 — прафесар кафедры «Электрычныя станцыі»).
Навуковыя інтарэсы: тэхніка высокіх напружанняў; разлік, канструяванне і эксплуатацыя высакавольтнай ізаляцыі машын і апаратаў; электрычная ізаляцыя; экалагічныя праблемы высакавольтнай тэхнікі.