Кліманскі (польск.: Klimanski, Klimański; руск.: Климанский) — беларускае, польскае і рускае прозвішча. Асноваю прозвішча паслужыла царкоўнае імя Кліменцій, якое ў перакладзе з грэцкага азначае «міласцівы» ці «вінаградная лаза». Заступнікам дадзенага імя лічыўся Святы мучанік Клімент, біскуп Анкірскі, які дваццаць восем гадоў трываў пакуты за веру Хрыстову і быў абезгалоўлены падчас набажэнства ў 312 г. Славяне верылі, што калі даць дзіцяці імя святога ці вялікамучаніка, то жыццё яго будзе светлае, добрае ці цяжкае, таму што існуе нябачная сувязь паміж імем і лёсам чалавека[1].