Ключаго́рскае — вадасховішча на рацэ Обаль у Гарадоцкім раёне Віцебскай вобласці Беларусі. Размешчана паміж вёскамі Пляханава і Жалудова. Створана ў 1953 годзе пры будаўніцтве Ключагорскай ГЭС.
Плошча паверхні вадасховішча 0,4 км², даўжыня 2,6 (3,1[2]) км, найбольшая шырыня 300 м (500[2] м). Глыбіня Ключагорскага вадасховішча дасягае 4,5[2] м (7,1 м[3]). Берагі абрывістыя вышынёй да 10 метраў. Дно вадасховішча пакрыта пяском, торфам, глеем.