Клейн Врэйстат (нідэрл.: Klein Vrystaat, літ. Маленькая Вольная Дзяржава) — бурская рэспубліка, існаваўшая ў 1886 – 1891.
У 1877 правадыр свазі Мбандзені дазволіў двум паляўнічым Ферэйры і Марыцу арандаваць 14.580 га зямлі для выпасу жывёлы. Хутка сюды пачалі перасяляцца буры, ствараючы свае фермы. Мабндзені згадзіўся дазволіць ім самакіраванне, прыняцце канстытуцыі і выбары ўрада і прэзідэнта. У 1886 буры абвясцілі стварэнне незалежнай Маленькай Вольнай дзяржавы і змаглі супрацьстаяць спробам свазі выбіць іх з гэтай тэрыторыі.
У 1888 паляўнічыя звярнуліся да Трансвааля з просьбай увайсці ў яго склад, аб’явіўшы, што Мбандзені адрокся ад сваёй улады над гэтымі тэрыторыямі. Правадыр свазі аспрэчыў гэта і запатрабаваў рэнту у памеры £21. Але пасля перагавораў і падпісання канвенцыі у 1890, Клейн Врэйстат стала часткай Трансвааля у 1891.
Тэмы гэтай старонкі (8):