Кенет Джозеф Эроў (англ.: Kenneth Joseph Arrow; 23 жніўня 1921, Нью-Ёрк — 22 лютага 2017) — амерыканскі эканаміст, лаўрэат Нобелеўскай прэміі па эканоміцы (1972) (сумесна з Джонам Хіксам) «за наватарскі ўклад у агульную тэорыю раўнавагі і тэорыю дабрабыту» .
Нарадзіўся ў 1921 годзе ў Нью-Ёрку ў сям’і румынскіх яўрэяў. У 1940 годзе атрымаў ступень бакалаўра па матэматыцы ў Сіці-каледжы. Ступень магістра (1941), а затым і доктара па эканоміцы (1951) яму прысвоены ў Калумбійскім універсітэце. Працаваў у Чыкагскім, Стэнфардскім і Гарвардскім універсітэтах. Прэзідэнт Міжнароднай эканамічнай асацыяцыі (1983—1986). Прэзідэнт Эканаметрычнага таварыства (1956). Прэзідэнт Амерыканскай эканамічнай асацыяцыі ў 1973 годзе. Узнагароджаны медалём Дж. Б. Кларка (1957). Уваходзіць у рэдкалегію часопіса Games and Economic Behavior. 30 сакавіка 2012 года яму прысвоена званне Ганаровага прафесара Вышэйшай школы эканомікі.
У 1947 годзе Эроў ажаніўся з Селме Швейцар, у іх двое сыноў.