wd wp Пошук:
    ⬜

    Кенвуд-хаус

    Від на Кенвуд-хаус з парку.

    Кенвуд-хаус (Kenwood House) — рэзідэнцыя Уільяма Мюрэя, 1-га графа Мэнсфілда (1705—1793), размешчаная ў лонданскім раёне Хэмпстэд. Камісія па кіраванні нацыянальным здабыткам падтрымлівае Кенвуд-хаус у ідэальным стане. Штогод сядзібу наведвае да мільёна турыстаў.

    Гісторыя

    Архітэктурна-паркавы ансамбль Кенвуд-хауса сфармаваўся ў XVII—XVIII стагоддзях. Сам асабняк быў пабудаваны ў эпоху Рэстаўрацыі, у 1700 годзе да яго была прыбудавана аранжарэя. Пасля набыцця Мюрэем у 1754 годзе інтэр’еры былі цалкам пераабсталяваны (у 1764—1779 гг.) у стылі класіцызму па праекце Роберта Адама. Вялікі архітэктар прыбудаваў да асабняка бібліятэку і іанічны порцік. У 1793-96 гг. Джордж Сондэрс завяршыў перабудову, дабудаваўшы два флігеля з паўночнага боку будынка.

    Англійскі парк вакол Кенвуд-хауса, вядомы гняздоўямі кажаноў, прыпісваецца выбітнаму майстру садовага мастацтва, Хамфры Рэптану (1752—1818). На яго тэрыторыі выстаўлены творы Генры Мура, Барбары Хепуарт і іншых сучасных скульптараў.

    У 1909 годзе ў спадчыннікаў Мюрэя сядзібу арандаваў вялікі князь Міхаіл Міхайлавіч з жонкай Сафіяй Мікалаеўнай (унучка Пушкіна). У 1925 годзе яе набыў ва ўласнасць лорд Айві (Iveagh) з сямейства півавараў Гінесаў. Ён перавёз у асабняк, які да таго часу страціў сваё мэбляванне, уласны збор карцін, уключаючы творы Вермера і Рэмбранта. У 1927 г. лорд Айві паднёс Кенвуд-хаус з яго мастацкім зборам у дарунак брытанскай нацыі.

    Літаратура

    Спасылкі

    Тэмы гэтай старонкі (4):
    Катэгорыя·Музеі Лондана
    Катэгорыя·Палацава-паркавыя ансамблі
    Катэгорыя·Палацы Вялікабрытаніі
    Катэгорыя·Вікіпедыя·Спасылка на Вікісховішча непасрэдна ў артыкуле