Карэопсіс[3] (Coreopsis) — род шматгадовых і аднагадовых кветкавых травяністых раслін сямейства Астравыя (Asteraceae).
Віды гэтага роду часам ўключаюцца ў блізкі род Ваўчкі (Bidens) таго ж сямейства, і наадварот, некаторыя сістэматыкі асобныя віды ваўчкоў уключаюць у склад роду Coreopsis.
Навуковая назва расліны ўтворана ад двух грэчаскіх слоў: κορις, які азначае «клоп», і ὄψις, у значэнні «від». Назва абрана ў сувязі са знешнім падабенствам пладоў на насякомых з падатраду блашчыцы.
Карэнішчавыя расліны вышынёй ад 45 да 120 см.
Кветкі, як правіла, жоўтага колеру з зубчастымі бакамі.
Плады плоскія, дробныя і сухія сямянкі, падобныя на насякомых.
Дваццаць восем відаў родам з Паўночнай Амерыкі, астатнія — з Цэнтральнай і Паўднёвай Амерыкі.
Каля трыццаці з сотні вядомых відаў вырошчваюць у культуры ў якасці дэкаратыўных раслін.
Род Карэопсіс уключае 96 відаў[4], якія размеркаваны ў 11 секцыях.