Карціны на рысавых палях
Карціны на рысавых палях (яп.: 田んぼアート тамбо а:то?, ад англ. art) — разнавіднасць геогліфа: японскае ландшафтна-садовае мастацтва прайгравання малюнкаў на рысавым полі (яп.: 田圃 тамбо?) з выкарыстаннем вырошчванага рысу розных сартоў і колераў[1][2].
У 1993 годзе жыхары японскай вёскі Інакадатэ прэфектуры Ааморы з мэтай прыцягнення турыстаў прыдумалі мастацкае афармленне звычайных рысавых палёў. Кожны год перад пасадкай рысу яны выбіраюць мастацкі вобраз і ўвасабляюць яго на поле, выкарыстоўваючы сарты рысу розных колераў. Акрамя традыцыйных японскіх сюжэтаў на палях рэалізуюцца і знаёмыя ўсяму свету вобразы. У 2003 годзе была намаляваная Мона Ліза, у 2009 годзе — Напалеон, у 2013 — Мэрылін Манро. Паглядзець на гэтыя творы, якія існуюць толькі некалькі месяцаў, прыязджаюць шмат турыстаў. Так у 2006 годзе гэтыя месцы наведала больш за 200 000 человек. З паспяваннем рысу малюнкі мяняюцца ў адценнях, а сабраны на палях ураджай гэтай расліны прадаецца па звычайных цэнах.
За жыхарамі Інакадатэ рушылі ўслед рысаробы горада Ёнедзава прэфектуры Ямагата, якія пачалі ствараць «уласны» тамбо-арт[3].
Некаторыя японскія кампаніі, у прыватнасці Japan Airlines, прапаноўвалі аграрыям заплаціць за іх рэкламу на гэтых творах мастацтва, але сябры мясцовай арганізацыі землеўладальнікаў адмовіліся ад гэтага.
- Галерея
Напалеон (Інакадатэ)
Самурай Наоэ Канэцугу (Інакадатэ)
Карціна ў Ёнедзаве
Зноскі
- ↑ Fackler, Martin. Japanese Village Creates Art From Hues of Rice (нявызн.), The New York Times (15 ліпеня 2010). Праверана 1 March 2015.
- ↑ Bekku, Junichi. http://ajw.asahi.com/article/behind_news/social_affairs/AJ201208190010 (нявызн.), The Asahi Shimbun (19 жніўня 2012). Праверана 1 March 2015. Архівавана 10 верасня 2013. (англ.)
- ↑ Farmers create coloured rice ‘murals’ in Japan (англ.)
Катэгорыя·Старонкі з няправільным сінтаксісам спасылак на крыніцы
Катэгорыя·Ландшафтны дызайн
Катэгорыя·Геогліфы
Катэгорыя·Садова-паркавае мастацтва Японіі
Катэгорыя·Рыс
Катэгорыя·Вікіпедыя·Ізаляваныя артыкулы/сірата0