Каро́ціца — возера ва Ушацкім раёне Віцебскай вобласці, за 25 км на ўсход ад гарадскога пасёлка Ушачы, за 1 км на паўднёвы ўсход ад вёскі Турасполле, у басейне ракі Тураўлянка.
Плошча паверхні 0,03 км². Даўжыня 0,27 км, найбольшая шырыня 0,18 км. Даўжыня берагавой лініі 0,68 км.
Знаходзіцца сярод парослага хмызняком балота. Берагі сплавінныя. Зарастае. На поўначы злучана канавай з ракой Дзіва.