Ка́рмэн Ама́я (ісп.: Carmen Amaya, 2 лістапада 1913, Барселона — 19 лістапада 1963, Багур) — іспанская танцоўшчыца, спявачка, актрыса кіно, легендарная выканаўца танца фламенка.
Па паходжанні цыганка, дачка гітарыста Франсіска Амая (мянушка Эль Чына, Кітаец). Танцавала з шасці гадоў, разам з бацькам выступала ў барселонскім рэстаране «Сем варот». Яе талент першым заўважыў каталонскі мастацкі крытык Себасцьян Гаш. У 1923 выступіла ў Мадрыдзе. У 1929 дэбютавала ў Парыжы, мела велізарны поспех, выступала ў трупе Ракель Мельер.
З 1936 жыла і гастралявала за мяжой — у Партугаліі, ЗША, краінах Лацінскай Амерыкі, Францыі, Вялікабрытаніі, Паўднёвай Афрыцы. Атрымала высокія водгукі Артура Тасканіні і Леапольда Стакоўскага. З 1935 здымалася ў кіно, найбольш вядомая яе апошняя кінароля ў фільме «Сям’я Тарантос» (1963, цыганская версія Рамэа і Джульеты, з удзелам таксама Антоніа Гадэса). Выступала ў Белым Доме ў 1944 па запрашэнні прэзідэнта Рузвельта, у 1953 — па запрашэнні прэзідэнта Трумэна.
Вярнулася ў Іспанію ў 1947. З поспехам выступала ў краіне і гастралявала за мяжой да самай смерці.
Актрыса памерла 19 лістапада 1963. Пахавана на барселонскіх могілках Манжуік.
У парку Манжуік (у цяперашні час — Парк Хуана Бросы) ў 1966 быў узведзены помнік Кармэн Амае.
На Вікісховішчы ёсць медыяфайлы па тэме Кармэн Амая
Біяграфія, фатаграфіі Архівавана 2 лютага 2008. (ісп.)
Carmen(ісп.) . deflamenco.com. Архівавана з першакрыніцы 26 кастрычніка 2012. Праверана 9 кастрычніка 2012.
Carmen Amaya at Papelesflamencos.com
Short biography of Carmen Amaya at Historiasdeflamenco.com
Carmen Amaya description on her grandniece’s website Архівавана 21 верасня 2008.
«Queen of the Gypsies», a portrait of Carmen Amaya, video clips from the documentary