Карл Фрыдрых Шынкель (ням.: Karl Friedrich Schinkel; 13 сакавіка 1781, Брандэнбург — 9 кастрычніка 1841, Берлін) — нямецкі архітэктар, мастак. Лічыцца лідарам «рамантычнага гістарызму» ў нямецкім дойлідстве.
Нарадзіўся ў Нойрупіне (Брандэнбург) у сям’і архідыякана лютэранскай царквы. Пасля скону бацькі пераехаў у Берлін (1795), дзе вучыўся архітэктуры пад кіраўніцтвам братоў Гілі, у толькі што заснаванай імі Акадэміі архітэктуры (з 1798 па 1800 г.), адначасова з гэтым працаваў мастаком на фарфоравай фабрыцы. З 1803 па 1805 г. наведаў Італію і Францыю, пазней, у 1826 годзе пабываў у Англіі.
Спачатку займаўся ў асноўным жывапісам, ствараў пейзажы, тэатральныя дэкарацыі, літаграфіі. Дойлідствам па-сапраўднаму пачаў займацца ў той час, калі ў 1810 годзе быў прызначаны асэсарам Прускай будаўнічай дэпутацыі[6].