У Вікіпедыі ёсць артыкулы пра іншых асоб з прозвішчам Кастравіцкі. Карл Міхайлавіч Кастравіцкі (каля 1804 — пасля 1846) — дзяржаўны службовец.
Суддзя Мінскага губернскага межавога суда ў 1832—1835 гадах, губернскі сакратар у 1835 годзе, засядацель Мінскага сумленнага суда ў 1835—1838 гадах, дэпутат Мінскага дваранскага дэпутацкага сходу ад Слуцкага павета ў 1841—1844 гадах, уладальнік радавога маёнтка Навасёлкі Мінскага павета (на 1843 год — 238 душ прыгонных муж. полу)[1].
У шлюбе з Ганнай Тэкляй з Оштарпаў (1809 — пасля 1846), дачкой Льва Францавіча Оштарпа, мінскага губернскага маршалка шляхты, і Алены з Кунцэвічаў[1].