Канёк Гадлеўскага (Anthus godlewskii) — птушка сямейства Сітаўкавыя (Motacillidae). Відавая назва дадзена ў гонар польскага заолага В. А. Гадлеўскага(руск.) бел. (1840—1880).
Канёк Гадлеўскага падобны на ляснога свірстуна (Anthus trivialis), але афарбоўка з рудым налётам, асабліва на грудзях, кіпцюр задняга пальца амаль прамы. Ад Anthus cervinus адрозніваецца светлымі нагамі.
Від распаўсюджаны ў раўнінных і горных стэпах Цэнтральнай і Усходняй Азіі ад усходняга Алтая і ўсходняга схілу мангольскага Алтая(руск.) бел. на ўсход да Вялікага Хінгана(руск.) бел.. Да поўначы да паўднёвага схілу Тану-Ала, паўднёвага схілу хрыбта Сангілен, на ўсход ад да поўначы як мяркуецца, да 50-й паралелі, у Забайкаллі да 53-й паралелі. Паўднёвыя межы распаўсюджання не высветлены, як мяркуецца, на поўдзень да паўночнай мяжы Тыбецкага нагор’я. Жыве ў хмызняковым і камяністым стэпе.
Сілкуецца насякомымі і іх лічынкамі, дробнымі малюскамі і чарвякамі.
Гняздуецца на сухіх схілах гор і пагоркаў. Гняздо ў паглыбленнях глебы, выслана сухімі сцяблінамі і лісцем, а латок конскім воласам і пухам. У поўнай кладцы 3-5 светла-шэрых яек з бурымі крапінкамі. Наседжвае кладку самка 12 дзён. Птушаняты вылупляюцца на працягу сутак. Самец корміць самку на гняздзе ў канцы наседжвання.