Кало́чча — возера ў Мазырскім раёне Гомельскай вобласці Беларусі ў басейне ракі Прыпяць, за 15 км у напрамку на паўднёвы ўсход ад горада Мазыр, прыкладна за 0,45 км на паўночны ўсход ад вёскі Стрэльск.
Плошча паверхні возера 0,16 км². Даўжыня 1,5 км, найбольшая шырыня 0,12 км. Даўжыня берагавой лініі 3,18 км. Катлавіна возера старычнага тыпу, на левабярэжнай пойме Прыпяці. Схілы катлавіны спадзістыя, пясчаныя, вышынёй да 5 м. Берагавая лінія слабазвілістая. Берагі пясчаныя, высокія.