Калапла́ка (Caloplaca) — род лішайнікаў сямейства целасхіставых (Teloschistaceae).
Слаявіна накіпная, ў выглядзе скарынкі ў цэнтры з зярніста-бугарчатай паверхняй. Пладовыя целы круглаватыя, сядячыя. Сумкі з 8 спорамі.
Віды гэтага роду распаўсюджаныя па ўсім свеце, сягаючы ад Антарктыды[1] да высокіх шырот Арктыкі[2]. Яго знаходзілі ў паўночных шыротах Паўночнай Амерыкі і Расіі. Толькі на Брытанскіх астравах сустракаецца каля 30 відаў[3].
На Беларусі найбольш пашыраныя калаплака васковая (Caloplaca cerina) і калаплака вогненная (Caloplaca pyracea).
У 2007 годзе быў адкрыты новы від гэтага роду - Caloplaca obamae, названы ў гонар прэзідэнта ЗША Барака Абамы[4].
Растуць на кары лісцевых дрэў, драўніне, камяністым субстраце. Спараносяць у вільготны перыяд зімой і вясной.
Індыкатарныя расліны.