wd wp Пошук:
    ⬜

    Каламан I Асень

    У Вікіпедыі ёсць артыкулы пра іншых людзей з імем Каламан.

    Каламан I Асень (балг.: Коломан I Асен, Калиман I Асен) (1234—1246) — балгарскі цар (1241—1246), празваны Царом-немаўлём.

    Біяграфія

    Каламан (Каліман) застаўся пасля смерці свайго бацькі Івана Асеня II дзіцем сямі гадоў. Яго маці была венгерская прынцэса Ганна-Марыя. Ад імя малалетняга цара дзяржавай кіравала рэгенцтва.

    Пра паходжанне імя цара існуе некалькі гіпотэз. Паводле адной з іх, імя Каламан тлумачыцца венгерскім уплывам на балгарскі царскі двор у той перыяд. У ХІ-ХІІІ стагоддзях у Венгрыі і Аўстрыі быў шырока шанаваўся Св. Каламан (па-лацінску: Colomannus). У лісце Папы Інакенція IV балгарскаму цару Каламану І Асеню (ад 21 сакавіка 1245 г.) адрасат называецца: «Colomanno in Bulgaria»[1].

    У 1241 г., напярэдадні Мангольскага ўварвання ў Венгрыю, мадзьярскія дваране-змоўшчыкі забілі палавецкага хана Кацяна Тэртэра і яго сыноў (падазраючы, хутчэй за ўсё, беспадстаўна, што Кацян можа перайсці на бок Батыя)[2], які пражываў у Пешце. Пасля смерці любімага кіраўніка большая частка полаўцаў (куманаў, кунаў) адраклася ад хрысціянства і перайшла ў падданства да Каламана I[3].

    Увосень 1242 (ці 1243) года Паўночная Балгарыя падверглася спусташэнню татарскімі атрадамі, якія вярталіся з Харватыі і Венгрыі на Волгу. Хан Батый прымусіў Тырнаўскае рэгенцтва выплачваць штогадовую даніну Залатой ардзе.

    У 1246 г. малалетні Каламан быў, хутчэй за ўсё, атручаны[4], па загадзе трэцяй жонкі Івана Асеня II — візантыйкі Ірыны. На прастол узышоў яе сын Міхаіл II Асень, таксама малалетні.

    Радаводнае дрэва Каламана Асеня

                           
    1
    Ганна (Анісся)    		 2
    Ганна-Марыя
    Венгерская    		 Іван Асень II
    (пам. 1241,
    кіраваў 1218-1241)    		 3
    Ірына Камніна    		    
       
       1  1    2  2  2  2    3  3  3
      Беласлава (?)
    ? Стэфан Уладзіслаў    		   Тамара Пётр
    пам. 1237    		 Ганна-Тэадора
    ? севастакратар Пётр    		 Міхаіл I Асень
    (нар. 1238/1241, пам. 1256
    кіраваў 1246-1256)
    Марыя (?)
    ? Тэадор Ангелас Камнін    		   Алена
    ? Тэадор II Ласкарыс    		 Каламан I Асень
    (нар. 1235, пам. 1246
    кіраваў 1241-1246)    		   Марыя
    ? Міка

    Зноскі

    1. ↑ Інакенцій IV патрабаваў ад цара далучэння балгараў да Рымскай царквы — аднак, беспаспяхова.
    2. ↑ Гэта забойства апісана ў рамане Васіля Яна, «Батый» — глава «Канец хана Кацяна».
    3. ↑ Пазней, у 1280—1322 гг., Тэртэраўцы валадарылі ў Балгарыі.
    4. ↑ Асень // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.

    Літаратура

    Спасылкі

    Тэмы гэтай старонкі (12):
    Катэгорыя·Памерлі ў Вяліка-Тырнаве
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Асені
    Катэгорыя·Нарадзіліся ў 1234 годзе
    Катэгорыя·Манархі, якія памерлі ў дзяцінстве
    Катэгорыя·Памерлі ў 1246 годзе
    Катэгорыя·Нарадзіліся ў Вяліка-Тырнаве
    Катэгорыя·Цары балгарскія
    Катэгорыя·Асобы
    Катэгорыя·Вікіпедыя·Артыкулы пра дзяржаўных дзеячаў без ілюстрацый на Вікісховішчы
    Катэгорыя·Кіраўнікі Балгарыі
    Катэгорыя·Дынастыя Асеняў