Калазу́бскі сельсавет — былая адміністрацыйна-тэрытарыяльная адзінка ў складзе Пружанскага раёна Брэсцкай вобласці. Цэнтр — вёска Калазубы.
Утвораны 12 кастрычніка 1940 года ў складзе Ружанскага раёна Брэсцкай вобласці БССР, з 8 студзеня 1954 года — Гродзенскай вобласці, з 19 чэрвеня 1954 года — Брэсцкай вобласці. 16 ліпеня 1954 года да сельсавета далучана тэрыторыя скасаванага Кавальскага сельсавета[1]. З 25 снежня 1962 года ў складзе Пружанскага раёна. 18 чэрвеня 1963 года скасаваны, тэрыторыя далучана да Варанілавіцкага (5 населеных пунктаў: Буцькі, Вітараж, Еськавічы, Калазубы, Перасадзічы) і Ружанскага (4 населеныя пункты: Бор-Ліпы, Кавалі, Мікіцічы, Юндзілы) сельсаветаў[2].