Зера Мостэл (англ.: Zero Mostel; 28 лютага 1915, Нью-Ёрк, ЗША — 8 верасня 1977, Філадэльфія, Пенсільванія, ЗША) — амерыканскі акцёр тэатра і кіно, найбольш вядомы як выканаўца роляў камедыйнага плана, такіх як Тэўе ў мюзікле «Скрыпач на даху», Псеўдол у мюзікле і фільме «Пацешная гісторыя, якая здарылася па дарозе на форум» і Макс Бялысток у фільме Мела Брукса «Прадзюсары». У пачатку 1950-х гадоў быў занесены ў «Чорны спіс Галівуда», а звязаны з гэтым допыт Мостэла Камісіяй па расследаванні антыамерыканскай дзейнасці стаў адной з самых прыкметных падзей часоў макартызму. Лаўрэат тэатральных прэмій «Тоні», Obie і «Драма Дэск», а таксама намінант на кінаўзнагароды «Залаты глобус» і BAFTA.