Заходне-Шатландскі ўніверсітэт (англ.: University of the West of Scotland) — брытанская дзяржаўная вышэйшая навучальная ўстанова са статусам універсітэта з сядзібай у горадзе Пейслі у Шатландыі.
Вучэльня з’яўляецца дзяржаўным універсітэтам з чатырма кампусамі ў паўднёва-заходняй Шатландыі, у гарадах Пейслі, Блантайр, Дамфрыс і Эйр, а таксама кампусам у Лондане. Цяперашняя ўстанова дзейнічае са жніўня 2007 года пасля зліцця Універсітэта Пэйслі з каледжам Бэл у Гамільтане. Ён можа прасачыць свае карані з канца ХІХ стагоддзя, і за апошняе стагоддзе зведаў мноства змяненняў і зліццяў, што адлюстроўвае яго паступовае пашырэнне па ўсім захадзе Шатландыі.
Універсітэт, які мае рэгіянальную рэпутацыю ў галіне прафесійных курсаў бакалаўрыяту і аспірантуры, у цяперашні час налічвае 16 тысяч студэнтаў з прыкладна 1 300 супрацоўнікамі, размеркаваных па шасці школах. Кампус Крайтан у Дамфрысе падтрымліваецца ў партнёрстве з шэрагам іншых устаноў, у тым ліку з Глазкаўскім універсітэтам.