Заходнепаморскі тэхналагічны ўніверсітэт у Шчэціне (польск.: Zachodniopomorski Uniwersytet Technologiczny w Szczecinie) — польская дзяржаўная вышэйшая навучальная ўстанова тэхнічнага профілю са статусам універсітэта, якая знаходзіцца ў Шчэціне.
Універсітэт быў утвораны 1 студзеня 2009 года ў Шчэціне ў выніку зліцця Сельскагаспадарчай акадэміі ў Шчэціне і Шчэцінскага політэхнічнага ўніверсітэта. Універсітэт мае 11 факультэтаў з 47 спецыяльнасцямі. Ва ўніверсітэце працуюць 2,3 тыс. супрацоўнікаў, а вучыцца каля 15 тыс. студэнтаў. Асноўнай мэтай дзейнасці універсітэта з’яўляецца навучанне і правядзенне навуковых даследаванняў у галіне тэхнічных, сельскагаспадарчых, эканамічных, біялагічных, хімічных і матэматычных навук.