Залі́ў Стары́к[2][3], Залі́ў[1] — возера ў Беларусі, у Мазырскім раёне Гомельскай вобласці, у басейне ракі Прыпяць.
Плошча возера складае 0,43 км². Даўжыня 4,2 км, найбольшая шырыня 0,15 км, даўжыня берагавой лініі 9,5 км. Катлавіна возера старычнага тыпу, вузкая, серпападобнай формы. Схілы катлавіны дасягаюць вышыні ў 5 м, спадзістыя, пясчаныя. Берагі высокія, месцамі абразійныя.
У паўночнай частцы Заліў Старык злучаецца ручаём з возерам Старык, а ў час веснавога разводдзя з ракой Прыпяць.