wd wp Пошук: ⬜

Закон аб заслугах Андрая Глінкі

Закон аб заслугах Андрэя Глінкі (славацк.: Zákon o zásluhách Andreja Hlinku, неафіцыйна славацк.: Lex Hlinka) — закон, прыняты Соймам Славацкай Дзяржавы ў знак пашаны Андраю Глінку і прызнання ягоных заслугаў у дасягненні нацыянальнай незалежнасці.

Гісторыя

Першапачаткова меркавалася, што першым законам Сойма Славацкай Краіны будзе закон аб заслугах Андрая Глінкі перад славацкай нацыяй. Аднак гэты закон быў прыняты толькі ў перыяд існавання Славацкай Дзяржавы, першым жа аказаўся закон аб незалежнасці[1].

25 красавіка 1939 году сойм Славаччыны ўхваліў Закон № 83/1939 Славацкага законніка, паводле якога Андрай Глінка мае заслугі перад славацкай нацыяй. Першы сказ закона «Андрай Глінка мае заслугі перад славацкай нацыяй» (славацк.: Andrej Hlinka sa zaslúžil o slovenský národ) быў высечаны на камені, які знаходзіўся ў будынку сойма[2].

Змест

Закон мае ўсяго тры параграфы:

§ 1 Андрай Глінка мае заслугі перад славацкай нацыяй.
§ 2 Тэкст першага параграфа гэтага закона высечваецца на камені, які размяшчаецца ў будынку Славацкага сойма.
§ 3 Гэты закон выконвае ўрад.

Зноскі

↑ David Kolumber. Druhá Československá republika(чэшск.) . — Právnická fakulta Masarykovy univerzity, 2012.
↑ ANTON HRUBOŇ. Budovanie kultu Jozefa Tisa(славацк.) // KULTÚRNE DEJINY. — 2017. — № 2/2017. — С. 218.

Гл. таксама

Закон аб заслугах Андрая Глінкі ў будаўніцтве дзяржавы славацкай нацыі і Славацкай Рэспублікі

Спасылкі

Otec slovenského národa Andrej Hlinka: «Za Boha život, za národ slobodu!»(недаступная спасылка)
Тэкст закона