У Вікіпедыі ёсць артыкулы пра іншых асоб з прозвішчам Рахмонаў. Журахон Рахмонбердыевіч Рахмонаў (руск.: Журахон Рахмонов; 18 жніўня 1917, Ош, Кыргызстан — 7 красавіка 1977, Ош, Кыргызстан) — заснавальнік тэатра імя Бабура горада Ош, савецкі кіргізскі акцёр
тэатра і кіно, Заслужаны артыст Узбекскай ССР (1974).
Журахон Рахмонаў нарадзіўся 18 жніўня 1917 года ў горадзе Ош ў сям’і служачых. Ён быў адным з заснавальнікаў узбекскага драматычнага тэатра імя Кірава (цяпер імя Бабура) г. Ош. Паступіў артыстам у тэатр у 1937 годзе. Таксама заснавальнікамі Ошскага тэатра імя Кірава з’яўляюцца яго бацька Рахмонберды Мадазімаў (з 1914 года), а таксама яго брат Урынбой Рахмонаў (з 1927 года).
У 1938 годзе быў прызваны ў рады Чырвонай арміі. Удзельнічаў у Савецка-фінскай вайне, абароне блакаднага Ленінграда, служыў старшым сяржантам 95-й танкавай брыгады 9-га танкавага корпуса 2-га Беларускага фронту. Удзельнічаў у вызваленні Расіі, Украіны, Беларусі, Польшчы, Германіі, узяцці Берліна і Рэйхстага. Узнагароджаны ордэнам «Айчыннай вайны» II ступені (загад 9-ТК № 015/п ад 23 жніўня 1943 года), а таксама шматлікімі медалямі.
Пасля заканчэння вайны Журахон Рахмонаў вярнуўся на працу ў Ошскай дзяржаўны узбекскі музычна-драматычны тэатр імя Бабура і да канца жыцця працаваў там артыстам, сыграў больш за сто роляў у тэатры і кіно. Журахон Рахмонаў памёр 7 красавіка 1977 года і быў пахаваны ў горадзе Ош. На яго пахаванні былі і казалі прамовы першы сакратар Ошскага абкама партыі Султан Ібраімаў і кіраўнікі Ошскаша гарвыканкама.
Удзельнічаў у шматлікіх канцэртных праграмах.