У Вікіпедыі ёсць артыкулы пра іншых асоб з прозвішчам Жафруа. Жульен Луі Жафруа (фр.: Julien Louis Geoffroy; 17 жніўня 1743, Рэн, Францыя — 27 лютага 1814) — французскі літаратурны крытык.
Вучыўся спачатку ў Рэне, затым у каледжы Людовіка Вялікага ў Парыжы. Выкладаў рыторыку ў каледжы Мазарыні. Спрабаваў сябе ў якасці драматурга.
Зрабіўся вядомым пасля таго, як пачаў жорстка крытыкаваць Вальтэра, чым нажыў сабе шмат ворагаў. Артыкулы Жафруа былі досыць папулярнымі, але хутка забыліся — яго пяцітомны збор раскупаўся слаба. Адна з самых вядомых працаў крытыка — каментары да твораў Расіна.[3]