wd wp Пошук: ⬜

Жуан Піньейру Шагаш

У Вікіпедыі ёсць артыкулы пра іншых асоб з прозвішчам Піньейру. Жуа́н Пінье́йру Ша́гаш (парт.: João Pinheiro Chagas; 1 верасня 1863, Рыа-дэ-Жанэйра — 28 мая 1925, Эштарыл) — партугальскі палітык, другі прэм’ер-міністр Партугаліі пасля рэвалюцыі 1910 года.

Біяграфія

Жуан Піньейру Шагаш нарадзіўся ў Рыа-дэ-Жанэйра ў сям’і партугальскага эмігранта. Вучыўся ў Лісабоне, затым стаў журналістам. Калі ў 1890 годзе Вялікабрытанія прад’явіла Партугаліі ўльтыматум, запатрабаваўшы вываду партугальскіх войскаў з часткі калоній Мазамбік і Ангола (сучасныя тэрыторыі Замбіі і Зімбабвэ), ён уступіў у Рэспубліканскую партыю. У 1891 годзе ўдзельнічаў у паўстанні 31 студзеня, за што быў сасланы ў Анголу. З Анголы бег у Бразілію, дзе працягнуў прарэспубліканскую дзейнасць. Быў адным з актыўных праціўнікаў аўтарытарнага ўрада Жуана Франку ў 1906—1908 гадах.

Пасля рэвалюцыі 1910 года быў прызначаны дыпламатычным прадстаўніком у Парыжы. З 3 верасня па 12 лістапада 1911 года выконваў абавязкі главы ўрада Партугаліі, змяніўшы на гэтай пасадзе Тэофілу Брагу.

Зноскі

1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #136198341 // Агульны нарматыўны кантроль — 2012—2016. Праверана 15 снежня 2014.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #136198341 // Агульны нарматыўны кантроль — 2012—2016. Праверана 31 снежня 2014.

Крыніцы

Pihneiro Chagas (João), Portugal — Dicionário Histórico, Corográfico, Heráldico, Biográfico, Bibliográfico, Numismático e Artístico, Volume IV, págs. 762—763. (парт.)
Vasco Pereira, A Vida de João Chagas — de degredado de 1ª classe a Primeiro-Ministro, com texto introdutório de João Medina, Lisboa, 2005. (парт.)

Спасылкі

На Вікісховішчы ёсць медыяфайлы па тэме Жуан Піньейру Шагаш